Култуура министиэристибэтэ Бүлүү бөлөх улуустарын муусука эйгэтин дьонугар куйаар ситиминэн сүбэ мунньах тэрийдэ.

Сунтаартан 27 киһи кытынна.  Ольга Харайбатова салайааччылаах сүбэ тэрээһиҥҥэ республика үрдүнэн «Муусука  барыбытыгар» тосхолунан 8 кластер тэриллибитин туһунан иһитиннэрдэ, онтон биирдэстэрэ Бүлүү бөлөх улуустарын кластера буолар. Салайааччынан Ньурбатааҕы искусство оскуолатын салайааччыта Елизавета Евсеева ананна. Улуустартан бу кластерга тустаах дьоннор ананнылар, биһигиттэн Юлия Сергеева — Искусство оскуолата, Виктория Мойтохонова — уһуйаан муусукаҕа уһуйааччыта, хормейстер, Марта Тимофеева — оскуолаҕа муусука учуутала. Үөрэҕирии уонна култуура салалтатыттан куратордар Татьяна Жиркова, Евдокия Сивцева үлэлиэхтэрэ. Мунньахха Виктория Мойтохонова, култуура уонна үөрэҕирии салалтата иһитиннэрии оҥордулар. Төгүрүк остуол тула кэпсэтии түмүктэрэ элбэхтэр, барыта олоххо киирдэр ханнык…  

Мария Кобельянова-Тускулаана, Сунтаар Хаартыска ааптар тиксэриитэ